自我簡介

早前 LEB 募集 01/11 手作市集的檔主,
說明應徵時需附上自我簡介。

想了大半天, 還寫不到 50 字,
最後, 得出以下的 Cherry 簡介 :

"天生購物狂, 鍾意儲顏色,
見到有咩好嘢就會同一個款全部色買齊,
加上買完材料又懶得去整嘅關係,
令到屋企嘅手工藝書、布、不織布、鈕肧、手飾材料、包裝工具、絲帶
加加埋埋足以放滿一個 4 x 6 尺嘅床下底外加一個 6 尺衣櫃。

由於買完唔整嘅情況一直持續,
男友只好下清倉令：“再唔清咁啲就幫你掉晒佢”。

於是, 在去年年尾,
以 Cherry Fair 之名, 間唔中到上環擺地攤, 專賣 handmade 小物。

地攤擺多了, 開始接觸到其他的手作人, 見識亦多了,
回頭望望自己的作品, 發覺仲有好多好多的進步空間。

加上到 LBE 自薦寄賣時, 老板娘一句：”d 手鏈嘅顏色好娘 ar ….. ”,
於是將一切還原基本步, 從新由 “只賣材料” 開始。"

老板娘收到 e-mail 後, 還第一時間回應了一句 :
"WHAHAHAHAHAH, 咁係娘呀嘛, AHHAHAHAHAHA"

雖然連自己都覺得好好笑, 但卻是我的真實個案。

我沒有到過外國學藝, 亦不懂現場示範,
我只有一大疊能讓你造出各式各樣手作仔的花布及不織布。

01/11 的手作市集,
歡迎你來到 Cyberport,
為 Cherry 加油, 順道交個朋友,
亦為一眾熱愛 handmade 的朋友仔打打氣,
c u there